乘客坐“八五折”的士索單據，的士司機要如何處理？有港女在網上大呻坐八五折的士，到達目的地後要求取收據時，司機竟用手寫下“實收車資”，即刪去按錶車資139.7元，並在下面寫“85折$120”，讓她嘖嘖稱奇“我搭咁多年八五折的，第一次遇到”。帖文隨即引來網民熱議，有人大讚“司機合理”、“司機收幾多錢寫幾多錢，請問返你有咩問題？”。不過亦有人認為司機做法“倒米”，“其實係人都知㗎啦，根本call車有折拎單係你哋呢行僅餘價值，唔係為咗拎單claim數根本唔會坐的士”。

對於此種情況，早前就有的士師傅於FB的“的士司機資訊網Taxi”群組發起提問，的士司機表示，9月22日“的士扣分制”開始實施後，司機拒絕出收據要扣三分，若有貴客叫85折單要出收據，你該如何？不出就等於扣分？對此，有司機認為，只有兩個情況合法，列印正價單，及手寫標準單（可以寫明實收車資）；如果在正式單據蓋上折扣記錄，等同發出一張無效及塗汚文件，可能被檢控，同沒有發出正式收據相同。

近年愈來愈多網約車平台出現，供市民預約的士服務，部份Apps更推出“85折”優惠吸客。但根據運輸署規定，的士司機需按錶收費，所以的士App預設85折作招徠，其實已違犯道路交通相關規例，有市民表示，“用App Call車”方便快捷又有折扣，即使明知電召提供85折的的士，法律上“有灰色地帶，但冇辦法，會照樣Call”。對此，你點睇？

#街坊熱議💬： 帶你了解民生各事

【HongKongV】
Instagram: @hongkongv
Threads: @hongkongv
Facebook:香港V
YouTube:香港V
TikTok: @hongkongv

#hongkong #hongkongv #香港v #香港